2020-7-11 釣獲要新鮮食
本來今日有釣期但又係因大風取消左，呢排真係克到痺，5月到而家已取消左好多次啦😭🥺
見得閒就玩煮魚食，釣友好多時有好的釣獲，但因唔得閒冇時間煮，而錯過左蒸魚的最佳時機(當日~2-3日內)，好多時放10日8日仲未煮，在此情況下，我一般會煎魚代替蒸，簡單方便容易，味道十分好。
今日將放左十幾日的露2點拿出來煎，非常好食😋😋
方法：
1. 冰格拿出手板火點及牙點各1，解凍後去鱗，清洗乾淨後用吸水低吸干淨水份，要干身。
2. 用中火熱油先煎薑片到金黃色。
3. 將魚小心放入鍋中煎，左右2邊各煎5分鐘左右(睇魚大細自己調整合適時間)。翻魚要小心不要整斷魚尾。
4.. 落1.5-2湯匙生抽炸落去，馬上再落2-3湯匙熱水，冚上蓋焗2分鐘左右。(生抽與水比率視乎咸淡口味自由調整。)
5..起鍋入碟，上卓享用。
此時魚香豉油香味四溢，仲有，千萬不要放過d薑片😋😋
針對放冰格比較耐的釣獲，呢個煎魚方法比蒸更好味，個人認為😁😁。
希望大家可以試下，好易好簡單😎😎💪
Search